Masepela wa Aganang o thakgotse semmuso lenaneo la botshaba la kgoro ya puso ya mohlakanelwa le ditirelo tsa setso(Coghsta ) ka lephatlelong la Tibane ,motseng wa Tibane.Badudi ba go lekana dikete tse lesomepedi makgolo tharo masome supa ba soma lenanenong la mesomo ya setshaba goba (Community Worker Programme), ka tikologong ya masepala wa Aganang gomme ba kgona go phedisa malapa a bona.Baetapele ba mmuso go akaretswa tona ya puso ya mohlakanelwa le ditirelo tsa setso Richard Baloyi, moletlaphethisi wa kgoro ya selegae le dintlo Clifford Motsepe, tonakgolo ya provense Cassel Mathale, Meyera wa Aganang,Mohlomphegi Maria Mokobodi , bahlankedi bagolwane ba mmuso le makhanselara a masepala a ile a keteka moletlo ka go thoma motheo wa sekolo sa tlasana sa Iketseng ka motseng wa Rammobola le go agela sekolo sa Mmakgabo pavement le teine ya merogo.

Bana ba masome nne pedi ba Iketseng, ba tsenela sekolo ka mokhukhung gommme ba itemogela mathata ge maemo a boso a sa kgahlise. Morutisigadi Lesiba Meso o boletse gore ba pitlagantsha bana ge pula eka na le go go tonya kudu. Yena o lebogile mmuso ka goba agela ntlo ya phaphosi tse hlano ya goba le kantoro, bobolokelo le ya boapeelo.

Tonakgolo ya Limpopo, Cassel Mathale o laeditse gore bjale ka mmuso ba nyaka go rarolla mathata a ditshaba dikopanago le ona ,kudu tsa magaeng kage bodidi le bohlaki ka ge e le pharela ya thaba. Yena o boletse gore diprojecke tseo mmuso o dithomilego diswanetse goba tsa maleba ka ge batho ba tlo lokela tswelopele morago ga mengwaga ye masome pedi

Lenaneo la mesomo ya setshaba le thomile ke projecke ya Moepa Thutse ka maloko a masome tharo pedi ka masepaleng wa Aganang,mo ba ilego ba boledisana le Mohlophegi Meyera Mokobodi ka kgopolo ya go hlwekisa masepala nepekgolo ele go itsosa ba itirela se sengwe sa mohula le go fetola maphelo a badudi ba Limpopo

Meyera Mohlomphegi Mokobodi o laeditse lethabo la gage ka goba masepala wa selegae wa go kgethwa go thakgolwa lenaneo la mesomo ya setsaba magareng ga mabasepala ye masome tharo kamo provenseng ya Limpopo.Bjale ka mmuso re tloga re sogana le bodidi ka go abela bdudii ba rena mesomo le goba abela ditirelo tsa maleba. Batseakarolo ba rena ba hlwekisa dirapa bjale ka leano la go lwantshana le hlokego ya mesomo. Re soma botse gammogo le maphaga a mararo a mmuso go kaonafatsa maphelo a badudi ba rena ka go phethethagatsa moeno wa rena wa gore Mmogo re tla kgona,a realo Meyera

Tona Baloyi o hlalosetse merero wa ketelo ya gage ka masepaleng wa Aganang.Re tlile mo go thakgola lenaneo la CWP la Clean Communities. Re thomile lenaneo le maemong a bosetshaba bjale ka mmuso wa go hlokomela badudi ba wona ,gomme re sogana le mathata a bohloki,a hlalosa tona

Tona o tswetse pele ka gore Afrika Borwa e nale le batseakarolo ba go feta seripa sa million lenaneong la CWP, gomme Limpopo e nale batseakarolo ba go lekana 24 000 ka mebasepaleng yeo e fapanego. Baloyi o bontshetse gore ba tsosolosa lego maatlafatsa lenaneo la CWP ka masepaleng wa selegae wa Aganang.Re nyaka go godisa lenaneo le,ka go bula menyetla ya mesomo go batho. Re tlo aga sekolo sa tlasana sa Iketseng go fihlelela se fetswe,morago ra tswela pele ka diprokecke tse dingwe. Re ikemiseditse go fihlelela palo ya batho ba million o tee mo nakong yeo e tlago ka CWP,tona Baloyi a hlalosa.

Batseakarolo lenaneong la CWP ba tlo hwetsa monyetla wa go thwala mafapheng a thuto a godimo morago ga goba le maitemogelo a mosomo. Tona Baloyi o boletse gore ba hlomile somisano lego kgokaganyo le mafapha a mangwe a thuto bjale ka diuniversiti le dikholetshe. Re kwane le borakgwebo gore ba tla itlemaganya le masepala nepekgolo e le go tlabakela batseakarolo ka hlahlo ya mesomo, a realo tona Baloyi

Batseakarlo bago feta dikete tse nne baile ba leboga mmuso ka go ba ntsha tlaleng ka lenaneo la CWP kage maphelo a bona a kaonafetse. Bona ba ile ba thabisa ke go kwa tona Baloyi a ba botsa gore lenaneo la CWP lesa tlo tswela pele morago ga ngwaga wa 2014, gomme ba se tshoge gore ba tla felelwa ke mesomo ya bona. Baetapele ba makgosi a setso a gotswa mafelong a go fapana ba tsenetse moletlo gomme ba laeditsa thekgo lenanenong la CWP,go akaretswa bomeyera ba mebasepala ya selete wa Capricorn, Cllr Lawrence Mapoulo le Sekhukhuene ebile ele modulasetulo wa SALGA ,Cllr Mokgobi Makgabi, gammogo le dimeyera tsa mebasepala ya selegae,disepikira le DI Chief Whip. Batseakarolo ba ile ba thabisa ke mmino wa setso wa dinaka le kosa ya dikhuru ele ge ba leboga go thakgolwa ga lenaneo la CWP ka masepaleng wa selegae wa Aganang.